للتيموريين و التيموريات
مرحبا بكم فى مندانا (للتيموريين والتيموريات )نرجوا لك الاستمتاع معنا والاستفادة شكرا لدخولك

للتيموريين و التيموريات

لعشاق نجم الجيل
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 رواية شفتك وما أهتميت واثرك مصيري وكل عمري 5

اذهب الى الأسفل 
كاتب الموضوعرسالة
سمسم التيمورية
مديرة المنتدى
avatar

عدد المساهمات : 102
تاريخ التسجيل : 17/03/2010
العمر : 23

مُساهمةموضوع: رواية شفتك وما أهتميت واثرك مصيري وكل عمري 5   الجمعة مارس 19, 2010 7:47 pm

نبداء بالبارتـــــــــــــــــــــــــــــــ الخامـــــــــــــــــــــــــس








شيشو ............
كانت سرحانه برائد ولا هي حاسه بالعالم من حولها بس فجاه سمعت صراخ صحاها من احلامها
كانت الصرخه هي صرخة هيفاء وامها ليش -نشوف ليش-







ابوها طاح عليهم كمان مره ثانيه ليش؟؟؟؟؟؟؟؟؟؟؟؟؟؟
لان ابوها كان عنده سكري وارتفع معاه الضغط وجاه جلطه قلبيه

طلعت شيهانه من غرفتها وعلى طول ركض لابوها وشالته معاهم وهي تبكي
امها :شيهانه بسرعه نادي فيصل ولا مشاري
شيهانه :حاضر يمه
وراحت ركض لغرفة فيصل وفتحت باب غرفته وصفق بقوه بالجدار وقام فيصل مفجوع
شيشو:فيصل (وتشاهق)
فيصل :شيشو وش فيك ياقلبي
شيشو :ابوي طاح علينا جيب مفتاح سيارته وتعال نننقله للمستشفى
فيصل :يااااااااااااااااا الله طيب جاي اللحين
شيشو راحت تجيب عباة امها وعباتها هي واختها ونزلت مثل البرق
ومشوا للمستشفى باقصى سرعه متوقعه
بالسياره..........
امه:فيصل اسرع شوي ابوك بيروح منا
فيصل :هدي يمه هدي شوي وناصل
شيشو وهيفاء في صياح غير منقطع

ولما وصلوا
فيصل دخل مع ابوه عند الدكتور والحريم جلسوا برى ينتظرونه وعلى اعصابهم



(وبخليكم شوي على اعصابكم
لاني بروح اتعشى اميمتي صاجتني كني بزر عندها
سي يو
لاتخافون بحاول اكل وجبتي بسرعه^_^)

انشاء الله ما طولت عليكم وخاصه زوورق الاحلام
المهم نكمل




وين وصلنا ايه تذكرت وصلنا عند شيشو وهيفاء وامهم اللي ينتظروا فيصل بفارغ الصبر
طلع فيصل من غرفة الدكتور وهو يكلم جوال
وكان يكلم.......
ابو رائد:انت وش قاعد تقول
فيصل:عمي الله يخليك بسرعه طالبك ضروري ومصر يشوفك
ابو رائد:جاي بالطريق اللحين اهم شي اجلس عنده ولا تفارقه ثانيه وحده فاهم وش قاعد اقول
فيصل:اوكي بس بسرعه لو سمحت

شيشو تقربت من فيصل وهي تبكي :فيصل قولي ابوي وش فيه مو قادره اتحمل
فيصل اول ما شاف عيونها من تحت الغشوه تبرق لمها بكل ما اعطي من قوه وبكى لو اول مره بعمره
وما انتبهوا لشخص كان يراقب الموقف من بعيد وقلبه يتقطع ويقول في نفسه الله يصبرهم مثل ما صبرني على بعاد نجود(كانت علاقة اولاد ابو رائد شبه مقطوعه بينهم وبين لولاد ابو مشاري فما كانوا حتى يتذكرون اشكالهم)
وفجأه شاف ابوه وهيثم داخلين من بوابة المستشفى(رائد كان يزور صديق )
ومتجهين للعائله اللي كان يرقبهم قبل شوي
ولما شاف ابوه دخل لغرفة الانعاش وهيثم يسلم على الولد اللي عند الباب ويسولف معه ع طول اتجه لهيثم وقال :السلام عليكم
فيصل وهيثم :وعليكم السلام
فيصل:كيفك رائد
رائد:الحمد لله بس انا ما اعرفك ياليت نتعرف
فيصل:انا فيصل بن خالد ال.........
رائد:والنعم والله لا تواخذني يا اخوي بس انا ما كنت متذ***
فيصل:لا عادي يا رجال
ونزل راسه
رائد وش فيه هذا شكل واحد من عيلتهم تعبان
وبعدين حرك عيونه لتلقي بعيون الطفله على قولته
رائد في نفسه وش في هالبزر تطالعني كذا بس مسيكينه شكلها تصيح




اما شعور شيشو فكان غريب هالحظات
كانت فرحانه عشانها شافته
شافت الشخص اللي كانت تحلم فيه طوال الشهور اللي فاتت
شيشو في نفسها (الحمد لله اني شفته قبل ما اموت)(بزر ما ينشره عليها^_^)
وشعور الحزن عشان ابوها



بالغرفه عند راشد وخالد.............
خالد:راشد وصيتي شي......هانه وهيف.........اء لا تتركهم لوحدهم بعد ما اموت عارف بت...قولي
عندهم اخوان بس انا خايف يظلمونهم انا وصيتك عليهم وعشان ترتاح من همهم اقول.........ك زوجهم

راشدوهو يبكي:من عيوني بس تشهد يا خالد تشهد
راشد:قول اشهد ان لا اله الا الله
خالد /:اشه.....د ان لــــــــــــــــــــــــ .....ا........اله....... الا ............الله

ومات توفى ابو شيهانه
اول ما خرج ابو رائد من الغرفه الكل وبدون استثناء اجتمع حوله
مشاري كان اول واحد يسال:عمي وش صار
ابو رائد وهو يمسح وجهه بشماغه :ادعوله بالرحمه والمغفره اول وحده سمعوا صرختها هي شيهانه
:لا مستحيل
مستحيل ابوي يموت
وطاحت مغمى عليها



بعد اسبوع من الانهيارات
ابو رائد :مشاري يا ولدي ابيك تجيني باكر انت واخوانك الشركه ابيكم بموضوع مهم
مشاري :تامر يا عمي
ابو رائد:يلا انا استاذن
مشاري :بحفظ الله
ابو رائد وهو يصارخ :رائد هيثم سامي يالله مشينا
واول ما وصلوا البيت
ابو رائد :رائد تعال ابيك بالمكتب
رائد:حاضر يبه بس ابدل واجي
ابو رائد:لا تتاخر


ابو رائد جالس بغرفة المكتب يفكر كيف يقنع رائد بالموضوع اللي عنده
شوي الا الباب يدق
ابو رائد :تفضل
رائد وهو داخل ويقفل الباب وراه :زاد فضلك يبه
ابو رائد:يا ابوك ابي افاتحك بموضوع وما ابيك ترفض ابدا
رائد:ع حسب الموضوع يبه



تتوقعون وش الموضوع اللي بيفاتحه فيه ابوه
انتهى البارت القصير مره
لكن وش اسوي ما باليد حيله
في راسي نوم والنوم غلاب واوعدكم وعد رجال بكره ببارت طويل وغير متقطع لعيونevil ****
واشكر زورق الاحلام وشمس المملكه ع التفاعل الليله
باااااااااااااااااااااااااااااااااااااااي
وتصبحون ع خير وادعولي بالاحلام السعيده هههههههههههههههه
ابو رائد:يا ابوك ابي افاتحك بموضوع وما ابيك ترفض ابد
رائد:ع حسب الموضوع يبه
ابو رائد: افا يا ذا العلم ترد ابوك يا رائد
رائد :ما عاش من يردك
رقبتي سداده يبه
ابو رائد:اجل اسمع انا خطبتلك بنت ابو مشاري وقلت لاخوانها
بنجيهم بكره عشان تشوفها
رائد:بس يبه انا مستحيل اتزوج من بعد نجود
ابو رائد:خلاص الموضوع طلع من عندي خطبنا وخلصنا
رائد:بس يبه
ابو رائد:لا بس ولا شي بكره تجهز نفسك ع العشاء نروح لهم
رائد قام وهو مقهور ولما وصل للباب
قابل لابوه :يبه بس انا ما راح اتزوجها عشانها مطلقه
ابوه طالع فيه :ومن قال لك انها الكبيره انا خطبت لك شيهانه
رائد:بس يبه هاذي بزر تدري كم عمري وكم عمرها
ابو رائد:العمر مو مشكله
رائد استسلم وطلع مهموم اكثر من اول كان متوقع انها الكبيره طلعت البزر
لا تكون اللي كانت تطالع فيني بالمستشفى لا مستحيل شبر ونص كيف بتعامل معها هاذي
وراح لغرفته واستلقى ع السرير وهو في افكاره لحد ما انطق الباب
رائد:تفضل
دخلت ريناد
ريناد :السلام عليكم
رائد:وعليكم السلام اهلين برودي
وش فيك صاحيه للحين
لا يكون تعبانه
ريناد :لا ما فيني شي بس عندي ارق ملازمني اسبوع
وبعدين اشتقت لك ولسوالفك فقلت اجي اجلس معك
وتوجهت للسرسر وتربعت عليه ورجل فوق ورجل تحت(بوي )
رائد:ريناد كم مره اقولك حركات العيال هاذي ما احبها ليش ما تانثين نفسك شوي ولا انك قمر بس ما ادري وش فيك
ما تبينين
ريناد استحت وصلحت جلستها :عادي انا كذا طبيعتي
رائد:اجل اذا كذا طبيعتك الله يعينه ههههههههههههههههههههههههه
ريناد:منهو اللي الله يعينه
رائد:منهو بعد زوج المستقبل ههههههههههههه
ريناد استحت وقامت قالت بدفاشه وهي تصلح التيشيرت
تلايط بس لا عاد تفتح معي هالسيره وتصبح ع خير وطلعت وقفلت الباب
رائد:ههههههههههههههههههههههههههههههههههه وانتي من اهله
يا حليلك يا ريناد اول مره اشوفك تستحين



في الصباح بالشركه ...............
مشاري وعبد العزيز وفيصل متجهين لمكتب ابو رائد
اول ما دخلوا
ابو رائد:يا حيا الله من جانا
مشاري :الله يسلمك يا ابو رائد
ابو رائد:يا عيالي انتم تعرفون ان ابوكم وصاني عليكم ووصاني ازوج اخواتكم واطمن عليهم
وانا عارف انكم مو عاجزين تزوجونهم لكن هاذي وصيته ولازم انفذها
ولا وش رايكم
مشاري وفيصل وعبد العزيز :صدقت
ابو رائد:عشان كذا انا ابي اخطب اختكم شيهانه لولدي رائد
وش قلتم
مشاري:والله يابو رائد نتشرف بنسبكم ورائد شاب ما ينرد بس
ابو رائد:بس وشهو
عبد العزيز:لازم نشاور البنت قبل يا ابو رائد عشان البنت يمكن ترفض بسبب ان رائد كان متزوج قبل
ابو رائد تاخذ راحتها الين اليوم العصر
فيصل :طيب واذا طلبت مده اطول
ابو رائد:طيب لو سمحتوا انا بروحلها البيت اكلمها بنفسي مع واحد منكم طبعا
فيصل :حياك اكيد ما عندنا مانع انت مثل ابونا
ابو رائد:اجل توكلنا ع الله
مشاري :اللحين
ابو رائد:ايه اللحين عشان اذا وافقت نجيكم في الليل يشوفها رائد وتشوفه
مشاري :توكلنا ع الله

وراحوا عند شيشو ..............
اللي كانت لسه نايمه(يوم خميس)
دخل فيصل عندها الغرفه
فيصل:شيهانه شيهانه
لكن صاحبة النوم الثقيل ما ردت
فيصل وهو يهزها :شيشو اصحي بسرعه
شيشو:مممم خير وشتبي حرام عليك خلني انام
فيصل :شيشو قومي ابو رائد بالمجلس يبي يكلمك
شيشو كانها بحلم مهنو ابو رائد
ابو رائد خوي ابوي وش يبي
شيشو صحت وتعدلت في جلستها :فيصل انت صاحي كيف يكلمني
فيصل وهو يسحبها من ايدها
قومي بس البسي عباتك وهو بيفهمك كل شي عجلي
قامت شيشو لبست عباتها وراحت للمجلس


بالمجلس........
دخلت شيشو وهي مستحيه حيل
شيشو:السلام عليكم
الكل :وعليكم السلام
ابو رائد:كيفك يا شيهانه عساك بخير يابنتي
شيشو بصوت بالكاد ان يسمع:الله يسلمك عمي
ابو رائد: يا بنتي انا جاي اليوم ابي اخطبك لولدي رائد
شيشو تفاجات ورفعت راسها :انا
ابو رائد:ايه انتي وش قلتي يابنتي
شيشو ساكته
ابو رائد: لازم تردين اللحين يا بنتي
شيشو تفكر بنفسها (لالالالالالالالالا مستحيل ما ني مصدقه واي بموت من الفرحه الحمد لله يا ربي عوضتني عن ابوي برائد )
شيشو .:اللي تشوفه عمي
ابو رائد وهو يبتسم:اللي اشوفه انك موافقه
مشاري :ها يا شيهانه موافقه ولا لا
وفيصل وعزوز مبتسمين مو متخيلين هالبزر تتزوج
شيشو وهي توقف وبصوت صغير مره مره مره:ايه موافقه وطلعت






تتوقعون وش يصير اذا شافها رائد
بالليل في صالة القصر الكبير .............
ابو رائد وهيا وهيثم ورانيا ورهف جالسين بالصاله
رانيا:بس يبه حرام عليك رائد كان متعلق كثير بنجود ومستحيل يتاقلم مع وحده غيرها
يبه:انتي لا تتدخلين اذا رائد موافق انتي وش يخصك
هيا:وهو صاز
رهف:يبه لا تظلمون بنت الناس مع واحد يفكر في وحده غيرها




رائد نزل هو وسامي اللي هبل فيه وانتهاء النقاش الحاد بنزلته
رائد طالع كانه امير بالبشت الاسود ورزته وطوله وكل شي فيه
رائد:يالله يبه مشينا
سامي:يالله يبه مشينا ) تركد يا رجال هذا وانت معرس قبل ومطيور كذا اجل هيثم وش يسوي هههههههههههه
رائد:كأن احد كاب عليه مويه بارده
حس كأنه يخون نجود
سامي تندم :ههه لا تواخذني يا خوي
رائد بكبرياء :لا عادي يلا يبه
فجأه قامت رانيا وهي تبكي وركضت على الدرج وتقول :خاين خاين كل الرجال خونه
ترددت كلمة خاين في راس رائد وضلت تتردد وما حس بنفسه الا وهوبمجلس ابو مشاري
مشاري :يله يا عريس ما تبي تشوف عروسك
رائد:الا اكيد
مشاري :فيصل قم مع الرجال وصله للمجلس الثاني وناد شيهانه
فيصل :حاضر
وخرج


عند شيشو ............
شيشو:هيفاء يمه خلاص ما ابي
هيفاء:هههههههههههههههههههه وش فيك انتي عادي بس يشوفك
شيشو :بس انا لسه صغيره
هيفاء:هههههههههه منو قالك توافقين يا 17 سنه
شيشو :تتطنزين انتي وخشتك
هيفاء :ايه اتطنز انتي اللي وافقتي بدون اي ضغوطات يعني انتي اللي تبين العرس وطلعت وهي تقول تشاو


جا فيصل :الله مين هاذي تصدقين ما عرفتك يا البزر
شيشو:منو البزر يا المتخلف
فيصل :ههههههههههههه انتي 0يبي ينرفزها0
كانت شيشو لابسه
فستان تسلفته منساره صاحبتها
لونه اصفر قصير وكت
ومسويه شعرها كله كيرلي
فيصل :اقول يالسندريلا روحي لعريسك ينتظرك بالمجلس بسرعه
ارتبكت شيشو وقالت :اللحين
فيصل:لا بكره ايه اللحين يا المخفه
وطلعت مع اخوها للمجلس وقلبها يرقص سامري
اول ما دخلت شيشو
انصدم رائد من طولها قصيره حيل بالنسبه له
وقف وهي قربت وجسلمت وجلست جنب اخوها فيصل
رائد :وش رايك يا فيصل تروح تجيب عصير
فيصل :تراني فاهمك بس بسوي نفسي غبي وبطلع لمدة 5 دقائق
رائد:اهم شي تروح
طلع فيصل
وارتبكت شيهانه مره
رائد:كيفك يا (يووووووووووووووووووووه نسيت اسمها )
شيشو حز في خاطرها وطالعت فيه بكبرياء:اسمي شيهانه واذا منت عارف اسمي وهو اقل شي لازم تعرفه ليش جاي تخطبني
رائد : والله وتعرفين تتكلمين يا البزر انا كنت احسب انك ما بعد تعلمتي الكلام لسه تتخطين يعني هههههههههههه
شيشو وقفت وطالعت فيه وقالت وهي طالعه :اذا انا بزر ما بعد تعلمت الكلام ولسه اتخطى انت شايب ما صرت تعرف تمشي وطلعت
رائد مصدوم من الكلام اللي قالته ومبهور من شجاعتها
وراح عند ابوه وتم كل شي
وحددوا الملكه بعد اسبوع واول ما راحت شيشو غرفتها رمت نفسها على سريرها وظلت تبكي وتبكي وتبكي لحد ما نامت
انتهى البارت
توقعاتكم ليوم الملكه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tamer-14.akbarmontada.com
 
رواية شفتك وما أهتميت واثرك مصيري وكل عمري 5
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
للتيموريين و التيموريات :: روايات ادبية-
انتقل الى: